Tag Archives: Нацыянальны гістарычны архіў Беларусі

У Нацыянальным гістарычным архіве Беларусі 19 красавіка 2021 года адбылася сустрэча актыву валанцёрскай групы па індэксацыі вопісаў з кіраўніцтвам установы

Красавік 20, 2021Навіныархівы, базы дадзеных, валанцёрскі праект, генеалагічныя крыніцы, Нацыянальная бібліятэка Беларусі, Нацыянальны гістарычны архіў БеларусіRADAWOD.BY

19 красавіка 2021 г. у НГАБ упершыню адбылася сустрэча валанцёрскай групы, створанай у кастрычніку 2020 г., з кіраўніцтвам установы – дырэктарам Дзмітрыем Уладзіміравічам Яцэвічам і намеснікам дырэктара па навуковай працы Дзянісам Васільевічам Лісейчыкавым. Удзел у сустрэчы прынялі 16 валанцёраў на чале з кіраўніком ініцыятывы Аленай Валер’еўнай Кароўчанка (усяго група складаецца са 138 чалавек, што працуюць над наборам вопісаў у розных частках свету). Запрошанымі на сустрэчу былі кіраўніца аддзела інфармацыйна-пошукавых сістэм Марына Тарасаўна Скіданава, в.а. кіраўніка аддзела аўтаматызаваных архіўных тэхналогій Аліна Антонаўна Шкарына, кіраўніца аддзела інфармацыі і выкарыстання дакументаў Вольга Уладзіміраўна Чарвінская.

*Сустрэча ў НГАБ* (слова Д.У. Яцэвіча) (фота Вадзіма Урублеўскага)

Continue reading →

Другая сустрэча аматараў і спецыялістаў у галіне генеалогіі адбылася 13 лютага 2021 года ў Мінску ў Літаратурным музеі Максіма Багдановіча

Люты 18, 2021Навіныбазы дадзеных, Беларускае гісторыка-генеалагічнае таварыства, валанцёрскі праект, генеалагічныя крыніцы, Нацыянальны гістарычны архіў БеларусіRADAWOD.BY

Нагадаем, што на першай такой сустрэчы, якая праведзена ў кастрычніку мінулага года, былі акрэслены два асноўныя кірункі дзейнасці. Першы – стварэнне валанцёрскай групы для правядзення індэксацыі спраў, якія захоўваюцца ў Нацыянальным гістарычным архіве Беларусі і ўтрымліваюць тыя ці іншыя звесткі генеалагічнага характару. Першапачаткова размова ішла пра правядзенне індэксацыі спраў фонда 1781, вопіс 3 і 4, а таксама стварэння пошукавой базы, якая б магла ў разы спрасціць працу аматараў і прафесіяналаў у галіне генеалогіі.

Сустрэча пачалася з прыемнага бонуса для ўдзельнікаў – знаёмства з жыццёвай і творчай біяграфіяй Максіма Багдановіча, класіка беларускай літаратуры, і яго радаводным дрэвам. Вядучы навуковы супрацоўнік музея Ірына Мышкавец акрэсліла шляхі навукова-пошукавай дзейнасці, якую сумесна вядуць навуковыя супрацоўнікі, нашчадкі роду Багдановічаў і валанцёры, аматары паэзіі беларускага генія.

Экскурсія для ўдзельнікаў (праводзіць Ірына Мышкавец)

Continue reading →

Біябібліяграфія Сяргея Рыбчонка ў 1993-2020 гг.

Студзень 14, 2021Бібліяграфіяархівы, генеалогія, Інстытут гісторыі АН Беларусі, Нацыянальны гістарычны архіў Беларусі, Сяргей РыбчонакRADAWOD.BY

Развіццё архівазнаўчага, крыніцазнаўчага, метадалагічнага аспектаў генеалогіі Беларусі як навуковай дысцыпліны ў 1990-2000-я гг. шчыльна звязана з асобай і дзейнасцю кандыдата гістарычных навук Сяргея Рыбчонка, які стаяў у вытоках многіх вядомых навуковых і асветніцкіх ініцыятыў у галіне. Пры яго непасрэдным удзеле ў 1994-1995 гг. НГАБ распрацаваў доўгатэрміновую праграму “Генеалогія і геральдыка шляхецкіх родаў Беларусі”, вынікам якой стала выданне “Гербоўніка беларускай шляхты”. Менавіта яго метадычка “Крыніцы па генеалогіі Беларусі XVI – пачатку ХХ ст.” (Мінск, 2003) дагэтуль не страціла сваёй навуковай значнасці. Рыбчонак таксама з’яўляецца аўтарам першай абароненай кандыдацкай дысертацыі, якая цалкам тычыцца генеалогіі Беларусі. Пдф-версіі асобных публікацый змешчаны па спасылцы: https://nasb-by.academia.edu/SergueyRybchonok

Continue reading →

Семінар “Новыя дакументальныя набыткі і знаходкі па генеалогіі” як працяг супольнай асветніцка-генеалагічнай працы НГАБ і НББ

Лістапад 6, 2020Навіныархівы, генеалагічнае таварыства, генеалагічная асвета, генеалагічныя крыніцы, метрычныя кнігі, навукова-практычны семінар, Нацыянальная бібліятэка Беларусі, Нацыянальны гістарычны архіў БеларусіRADAWOD.BY

У Нацыянальнай бібліятэцы Беларусі (НББ) 5 лістапада 2020 года адбыўся другі семінар па праблемах генеалогіі, арганізаваны супрацоўнікамі НББ супольна з калегамі з Нацыянальнага гістарычнага архіва Беларусі (НГАБ). На мерапрыемстве былі агучаны не толькі даклады супрацоўнікаў згаданых устаноў, але і паведамленне каардынатара валанцёрскага руху даследчыкаў генеалогіі Беларусі, які зарадзіўся ў гэтым годзе.

Інтэр’еры Нацыянальнай бібліятэкі Беларусі

Continue reading →

Сустрэча грамадскіх актывістаў у сферы генеалогіі адбылася ў Мінску 9 кастрычніка 2020 г.

Кастрычнік 12, 2020Навіныбазы дадзеных, Беларускае гісторыка-генеалагічнае таварыства, генеалагічныя крыніцы, Нацыянальны гістарычны архіў БеларусіRADAWOD.BY

Размовы пра актуальнасць стварэння беларускага генеалагічнага аб’яднання, якое б спрыяла развіццю, а таксама папулярызацыі генеалогіі і генеалагічных ведаў, узаемавыгодна супрацоўнічала з дзяржаўнымі архіўнымі ўстановамі, займалася шырокім колам карысных грамадству праектаў, даўно вядуцца ў айчыннай генеалагічнай суполцы.

Continue reading →

Прадстаўленасць метрычных кніг за 1866-1917 гг. (у Нацыянальным архіўным фондзе РБ)

Сакавік 30, 2020Архівазнаўстваархівы, метрычныя кнігі, Нацыянальны архіўны фонд, Нацыянальны гістарычны архіў БеларусіRADAWOD.BY

Апошнія дзесяцігоддзі знаходжання Беларусі ў складзе Расійскай імперыі ўяўляюць сабой перыяд асабліва актуальны пры правядзенні генеалагічных даследаванняў. Менавіта з яго часцей за ўсё і пачынаецца праца ў гістарычных архівах над уласным радаводам. Пра гэты перыяд, перыяд другой паловы ХІХ – пачатку ХХ ст., і будзе весціся гаворка ў дадзеным артыкуле.

*Ілюстрацыя. Дакументы ў адным з памяшканняў Магілёўскага гістарычнага архіва, 1936*

Continue reading →

“Ты – гэта вастрыё стралы жыцця, якое ляціць з глыбіні стагоддзяў у будучыню”. Гутарка з Андрэем Белавешкіным

Лістапад 5, 2019Інтэрв'юАсобы, днк-аналіз, днк-генеалогія, інтэрнэт крыніцы, Нацыянальны гістарычны архіў Беларусі, радаводRADAWOD.BY

Пра генеалогію і ДНК-генеалогію мы размаўляем з Андрэем Белавешкіным, кандыдатам медыцынскім навук, урачом-дыетолагам, спецыялістам па ўпраўленні рэсурсамі здароўя, аўтарам адукацыйнага блога аб здаровым жыцці.

Continue reading “Ты – гэта вастрыё стралы жыцця, якое ляціць з глыбіні стагоддзяў у будучыню”. Гутарка з Андрэем Белавешкіным →

Генеалагічная асвета ў Беларусі на сучасным этапе

Сакавік 30, 2019Генеалогіяаб'яднанні генеалагічных даследаванняў, Асобы, генеалогія, інтэрнэт крыніцы, крыніцы, навукова-практычны семінар, Нацыянальны гістарычны архіў Беларусі, СустрэчаRADAWOD.BY

(тэкст даклада Вадзіма Урублеўскага, агучанага ў межах навукова-практычнага семінара “Крыніцы па генеалогіі ў беларускіх архівах і бібліятэках”)

На дадзеным этапе адчуваецца цікаўнасць пэўнай часткі грамадства да мінулага Беларусі ў яе антрапалагічным вымярэнні. Робіцца важным бачыць гісторыю праз жыццяпісы людзей, а ў значнай меры, уласных продкаў. Хваля генеалагічных запытаў, з якой сустрэліся гістарычныя архівы Беларусі ў канцы 1990-х – напачатку 2000-х гг., з кожным годам толькі павялічваецца, што падкрэслівае пільную цікавасць грамадства да сямейнай гісторыі.

Continue reading Генеалагічная асвета ў Беларусі на сучасным этапе →

Навукова-практычны семінар “КРЫНІЦЫ ПА ГЕНЕАЛОГІІ Ў БЕЛАРУСКІХ АРХІВАХ І БІБЛІЯТЭКАХ” адбудзецца ў Нацыянальнай бібліятэцы 27 сакавіка 2019 г.

Сакавік 19, 2019Навіныгенеалагічныя крыніцы, дакументы, Нацыянальная бібліятэка Беларусі, Нацыянальны гістарычны архіў Беларусі, СустрэчаRADAWOD.BY

Арганізатары:

Нацыянальная бібліятэка Беларусі, НДА кнігазнаўства;

Нацыянальны гістарычны архіў Беларусі;

Дата: 27.03.2019

Час: 16.00-18.00

Месца правядзення: зала адукацыйных тэхналогій (з паверх, пам. 346)

Continue reading Навукова-практычны семінар “КРЫНІЦЫ ПА ГЕНЕАЛОГІІ Ў БЕЛАРУСКІХ АРХІВАХ І БІБЛІЯТЭКАХ” адбудзецца ў Нацыянальнай бібліятэцы 27 сакавіка 2019 г. →

Адкрытая лекцыя для навучэнцаў Школы практычнай генеалогіі адбылася ў Нацыянальным гістарычным архіве Беларусі 16 студзеня 2019 г.

Студзень 18, 2019Навіныархівы, генеалогія, дакументы, метрычныя кнігі, Нацыянальны гістарычны архіў Беларусі, рэвізскія сказкі, СустрэчаRADAWOD.BY

Занятак для навучэнцаў Школы практычнай генеалогіі ў Нацыянальным гістарычным архіве Беларусі праводзіцца ў трэці раз, аднак толькі ў гэтым годзе для працы з прадстаўнікамі праекта была задзейнічана цяжкая артылерыя архіва – намеснік дырэктара па навуковай працы Дзяніс Васільевіч Лісейчыкаў і загадчык сектара аддзела інфармацыі і навуковага выкарыстання дакументаў Уладзімір Мікалаевіч Дзянісаў.

Выступ Д.В. Лісейчыкава

Continue reading Адкрытая лекцыя для навучэнцаў Школы практычнай генеалогіі адбылася ў Нацыянальным гістарычным архіве Беларусі 16 студзеня 2019 г. →