24 лютага 2018 г. у межах Школы Практычнай генеалогіі адбылася сустрэча з Юрыем Мікалаевічам Снапкоўскім, супрацоўнікам Нацыянальнага гістарычнага архіва Беларусі (Мінск), на тэму “Дакументы генеалагічнага характару ў фондах абласных, занальных, раённых архіваў”.
Асноўнымі відамі генеалагічных матэрыялаў дзяржаўных архіваў Мінскай, Віцебскай, Магілёўскай, Гомельскай абласцей адзначаны наступныя:
1) Партыйныя дакументы: аўтабіяграфіі, асабістыя лісткі па ўліку кадраў; справы аб уступленні і выключэнні з партыі, апеляцыйныя справы (абласныя архівы);
2) Пагаспадарчыя кнігі 1944 – 1990-х гг. (занальныя або абласныя ці раённыя архівы);
3) Дакументы нямецкіх акупацыйных устаноў 1941-1944 гг. (абласныя архівы);
4) Фільтрацыйныя справы і падшыўкі анкет на асоб, вывезеных на прымусовую працу ў Германію (абласныя архівы);
5) Кнігі ЗАГС 1919 – 1941 гг. (абласныя і занальныя архівы);
6) Спісы савецкіх грамадзян, забітых акупантамі на захопленых тэрыторыях (абласныя і занальныя архівы);
7) Спісы прызыўнікоў валасных і павятовых ваенкаматаў 1918–1924 гг. (занальныя архівы);
8) Спісы лішэнцаў і арыштантаў у фондах акружных выканкамаў, акружных камітэтаў партыі, народных і ўчастковых судоў 1920-1930-х гадоў (абласныя і занальныя архівы).
Публікуемы матэрыял прадастаўлены Юрыем Снапкоўскім.
25.02.2018